گلزمین چو تراول ءٙ اِنت آزماں ھیسکارگے

بیا کہ ھر دل جنگجاھے ھر نگاہ وٙیرانگے

تُنّ ءِ اہد ءٙ زندگ اٙت ارسیگیں چمّانی طلب

گڑّء ہار ءٙ پشت کپتگ سُرمہ دانے شیپگے

کس وتی گرنچ ءٙ نہ بندیت سُتکگیں شہر ءِ گماں

وپتگیں دمکاں چکرّیت گوات ہم دیوانگے

اٙچ تو پٙد اے شہر انچو گیمران اِنت کہ گشئے

مُرگے ءِ چمّاں چہ کپتگ جنگل ءِ ھیسکارگے

تو چو اومانے ءٙ زیبا چو کہ دعایے روشنا

شیشگی اوتاگے ئے یا نازبوئی شٙہرگے

بیا تئی اوست ءٙ پدا سینگارِتگ وہد ءِ پری

شینکاں ترّیں پیش آرتگ سٙنج ءٙ بستگ ماسگے

لّڑّ تگ دُرساں منیر بس وت مہ وت گوازی کننت

سِستگیں یک گواتی کولے پُرشتگیں دروازگے