دُوا ھمیش اِنت بہ باں گون شائِرانی رم ءَ

من جیڑاں ھور بئیاں چون شائِرانی رم ءَ

مُبارک ءَ گوں وتی شئیراں ڈیھ نازینتگ

منی اوں بلئے کپیت جون شائِرانی رم ءَ

اےچونیں خالِق ے ھرگال ءَ وت ءَ شوھازیت

من نشتاں کت ھمے نیمون شائِرانی رم ءَ

مُنیر مومن ءِ لچّہ ءُ بِسمل ءِ دستونک

رِچ اَنت زمین ءِ دل ءِ ھون شائِرانی رم ءَ

وت ءَ نہ لِیک اتگ عامر من شائرے جوانیں

داں ھستاں من بہ باں رھشُون شائِرانی رم ءَ