زر ءِ پشت ءُ دیم ءَ تماشا کن ئے تو

زھیرانی دریا تماشا کن ئے تو

تئی بینگ ماں گزاں تئی مھری گوں جَوراں

برے اے، برے آ، تماشا کن ئے تو

ترا جست ءُ پرسے نہ کسی گلگ پر

نپاداریں دنیا تماشا کن ئے تو

اے دروگے شریداری ءَ دیٰگ نہ گْرد اِیت

مدام نیم نیم ءَ تماشا کن ئے تو

پہ نام گپت سر زاھر ءَ اے منیگ اَنت

دل ءِ جھل ءُ برز ءَ تماشا کن ئے تو

نہ ئے تو اگاں زیکیں روچاں پراموش

مروچی نہ باندا تماشا کن ئے تو

ترا گوں مکاماں ھزار آپرین انت

تئی کار انت تماشا، تماشا کن ئے تو

من جزماں کہ کازی جھان ءَ چہ رپتہ

ھمے واست ءَ مُلّا تماشا کن ئے تو