یک مُدّت ءِ کہ واب نہ گِنداں چو دلوت ءَ

پہ نام زندگاں بلے بد نام زندگاں

گوات ءَ شپ ءِ گوں منا گِروک ءَ کلوه کتگ

گپ ءِ ترا گُشاں بلے گپ ءَ دل ءَ میار

کوهیں دل ءَ مہ بند گوں کرپاسیں جمبراں

سبزیں زر ءَ مہ چار گوں زرد آپیں دیدگاں

بِل کوکِراں کہ لیب کن اَنت لاڈوکی کن اَنت

نہ ترونگلاں بے جیڑ نہ هورے گماں بے بیت

گرنداں کدی گوں تہنائی نوداں وپا نہ بیت

کتره ستر بولوٹیت چہ گورم ءَ جتاه نہ بیت

جندا را جِندے پاد هوں دُروه اَنت برے برے

گوات ءِ میار باں گوں گوات ءَ سپر بکن

ہمباز تاک ریچ ءَ لِوراں سمین بکن

لُوٹ ءِ اگاں بہار پہ تو مہروان بے بیت

چمّاں وتی شلیں دل ءَ گُلزمین بکن

جِندے وتی گماں وتی دنیا ءُ دین بکن

اے جنگ آپ ءِ جنگ اِیں وتاس ءِ ودی بکن

ما اندر ءَ نہ بُوتگیں آس ءِ ودی بکن

نہ تُرونگلے بُولوٹ نہ ترمپ ءِ تلب بکن

تو آدم ءِ نِماسگ ءِ کمو ادب بکن