اِنت: یکی ءِ کُمکّارگال اِنت، ماں ھست زمانگ(Present Tenses) ءَ انگریزی ءِ "Is" ءُ ھندی ءَ "ہے" ءِ مانا دنت۔
اَنت(are): باز ءِ کُمکّارگال اِنت، ماں ھست زمانگ ءَ انگریزی ءِ "are" ءُ ھندی ءَ "ہیں" ءِ مانا دنت۔
رھدربری گالرِد(Examplory Sentences)👇🏻
۱- ماھگُل نوکیں کتابے وانگ ءَ اِنت، ماھگُل ءُ پاتما وشیں کیکے ورگ ءَ اَنت۔
۲- لیلہ چے ءَ نادْراہ اِنت؟ شانتُل ءُ ماھگُل راجی زُبان ءِ بلاھیں جُھدکار اَنت۔
۳- اے کْوھنیں گِس(لوگ) کئی اِنت؟ اِے کْوھنیں گِس بانُک شانتُل ئیگ اِنت۔
۵- آ دوئیں اُشتر بالاچ ئیگ اَنت۔ آ کَے اِنت؟ آ واجہ پانزُل اِنت۔
۶- ورگ وارتگ اَنت ئِے ءُ چہ ساری ئیں زال ءَ ھم زھگے ھست اِنت ئِے۔
گْوست برجم ءِ زمانگ:
۱- دُزے تچگ ءَ اَت، اُشتر کِشار ءَ چرگ ءَ اَت۔
۲- سے ئیں دُز تچگ ءَ اَت اَنت، اُشتر کِشار ءَ چرگ ءَ اَت اَنت۔ (بزانکہ ماں اِے گالرِداں دُزّ ءُ اُشتر باز اَنت)۔
دلگوش : کُمکّارگال "اَنت" گوں کارگال ءَ ھوار نبیسّگ رَد اِنت :- تچنت❌ گُشنت❌رونت❌ ءُ نِندنت❌
شُمئیگ، مئیگ، کئییگ ءُ آئیگ:👇
* اِے بُز کئییگ اِنت؟ اے بُز وَ مئیگ اِنت؟
* اِے زھگ کئییگ اَنت؟ اے زھگ واجہ ھمل ئیگ اَنت۔ اے پس بانُک ھانی ئیگ اِنت۔
* اے شُمئیگ اَنت ءُ اِے آئیگ اِنت۔