بلوچی دَرونت لمبر 1: *بلوچی آب*

بلوچی آب ایش اَنت

ا(آ)، ب، پ، ت، ٹ، ج، چ، د، ڈ، ر، ڑ، ز، ژ، س، ش، ک، گ، ل، م۔ ن، و، ھ(ہ)، ء، ی ءُ ے۔

دلگوش بِہ بہ اِت کہ اِے جھلی دوازدھیں آب بلوچی نہ اَنت پمیشکا(اس لئے) باید اِنت ما ایشاں کارمرز مہ کن اِیں کہ ایشاں اَربی آب یا تازی آب گْوش اَنت۔

"ث، خ، ح، ذ، ص، ض، ع ،غ، ط، ظ، ف ءُ ق"

ایشانی بلوچی بدل اے وڑ ءَ اَنت کہ مارا دلگوش کنگ لوٹ ایت درور(مسال)

ث ءِ س : ساکب، سواب، ھارس ءُ وارس۔

ح ءُ خ ءِ "ھ" : مھمد ھان، ھکیم، ھیر بکش، ھالد ھُسین ءُ ھاتر ءُ ھلیل الرھمان

ذ ءِ "ز" : زاکر، زات ءُ ازاب

ع ءِ "ا"، "آ" ، "ھ" ءُ "ء" : نئیم، پئیم، شُئیب، آرپ، اندلیب، آئیشہ، ابدلگپور، ابدلسالہ، اَلی، دوُا ءُ ریایت۔

غ ءِ "گ": لوگ، کوگ، روگ ءُ ورگ۔

ف ءِ "پ": لاپ، پاروک، پیز ءُ آسپ۔

ق ءِ "ک": کاسم ھان، وکار ءُ ابدلکادر

ص ءِ "س": سابر، پیسل ءُ سادک

ض ءِ "ز" : رزا مھمد، زیگم ءُ ریاز

ط ءِ "ت": تاھر، ابدلتیپ، اِلتاپ، تارک ءُ توپیل

ظ ءِ "ز": منزور ءُ زھور ءُ زُلم۔

*کُمکّار گال:* ایں، آں، ئے، اِت، ایت، ئِے، اِنت ءُ اَنت"

رھدربری گالرِد(طریقہ کار جُملے)

* ما بلوچی دَرونتاں وان ایں، من بلوچی دَرونتاں وان آں۔

* تو بلوچی دَرونتاں وان ئے۔ شُما بلوچی دَرونتاں وان اِت۔

* بانڑی بلوچی دَرونتاں وان ایت یا بانڑی بلوچی دَرونتاں وانگ ءَ اِنت۔

* من ءَ گْوشت ئِے ءُ ریاز ءُ لیلہ گْوش اَنت۔

گوما گوں

تو گوں من وش ئے، من گوں تو زھر آں، ما گوں شما ھوار ایں، شُما گوں ما ھمراھداری بکن اِت ءُ پازُل گوں ما زھر اِنت۔

گالرِد(جُملہ) ءِ تہ ءَ لبز پُشت ءُ دیم نبیسّگ نہ بنت بلکیں لبز رِد(ترتیب) ءِ سر ءَ نبیسّگ بنت پمیشکا ایشاں گالرِد گْوش اَنت انچوشکہ

* تو وانگ ءَ ئے بلوچی دَرونتے۔

* تو بلوچی دَرونتے وانگ ءَ ئے۔

Going am i to school.

I am going to school.