بلوچی دَرونت لمبر 6:

ایت ءُ ھست سرجم ءِ زمانگ

*اِیت*: کُمکّار گالے کہ گالانی رند ءَ کَیت ءُ آیانی بزانت ءَ وتی رنگ ءَ گیشّین اِیت انچوش کہ سُرَگ(بُنکارگال) ، سُر اِت(گْوست سادگ) ، سُر اِیت(آیوکی زمانگ)۔

کندگ: کند اِت، کند اِیت۔

کٹّگ: کٹّ اِت، کُٹّ ایت یا کٹّ اِت ئِے، کٹ ایت ئِے۔

رھدربری گالرِد

1- ھور تْرُندی ءَ گْور ایت

(بارش تیزی سے برسے گا)

2- چہ ھور ءَ پد ءَ کاہ ءُ بُوچّ ھم رُد ایت

(بارش کے بعد سبزہ اُگھے گا)

3- پِت پہ وتی چُک ءَ موٹلے بھا زُور ایت

4- بلوچ ءِ گل(ٹیم) بورتاچی ءِ لیب ءَ کٹ ایت

5- ھلیل ترا گِند ایت، ھو سدیک ھم کَند ایت

6- چہ ھور ءَ رَند کاہ ءُ بوچ رُد ایت

دلگوش: کُمکّارگال اِیت گوں کارگال ءَ ھوار نبیسّگ رَد اِنت:- کَٹیت، کَندیت ءُ گْواریت

*ھست سرجم ءِ زمانگ:*

ھما کار کہ انیگیں وھد ءَ بیتگ اَنت۔ ھِندی ءَ ایشی ءِ نشانی "چکا ہے، چُکی ہیں ءُ چکا ہوں" اَنت۔ انچوشکہ رھدربری گالرِد

1- کاروان ءِ سے اپس چہ راہ ءَ گسر بیتگ۔

(کاروان کے تین گھوڑے راستے سے بھٹک چُکے ہیں)

2- من ءَ اِے سُھریں زیم ءَ وارتگ

3- تو زاناں پہ کَے ءَ نمدی یے نبشتگ؟

4- مئے دوئیں گوک گار بیتگ اَنت۔

5- نودربراں کتاب ونتگ اَنت۔

دلگوش: اے وڑ ءَ "بیتہ، کُتہ ءُ وارتہ" ءِ نبیسّگ رَد اِنت۔

*ئیگ ءُ تئیگ*: اِے شریں پس واجہ میران ئیگ اِنت۔ آ مَھری ئیں اُشتر واجہ جیئند ئیگ اَنت۔ اِے نوکیں گِس مئیگ اِنت۔ اِے کَسانیں زھگ شُمئیگ اِنت ءُ اِے زنڈیں میش کئیگ اِنت؟