*درونت* سے

*ءَ ، ءِ ، ءُ*

*ءَ* اے نامگال ءُ نامبزانتیں گالانی دیم ءَ کیت ، بزاں نامگال ءُ نامبزانتیں گالاں چہ پد دپ ءَ "ءَ" ءِ توار بئیت گڑا ھمے "ءَ" نبیسگ لوٹ ایت۔

درور۔ پس ءَ دوش ، برو گوک ءَ بہ بند۔

پسا دوش، برو گوکا بہ بند، چش رد بنت کہ پس ءُ گوک ءِ گال وتی بندری رنگ ءَ در آیگ ءَ انت۔

ترا ، مارا، شمارا ، انچش نبیسگ بنت کہ اِیشاں الپ وت ءَ گون اَنت۔




*ءِ* اے دوگال ءِ میان کیت کہ دوئیں گالانی میان ءَ سیادی پدر کنت ،

درور۔ لوگ ءِ سر ، مردم ءِ چم
اد ءَ زانگ بوگ ءَ اِنت کہ لوگ ءُ سر وت ماں وت سیاد اَنت ، مردم ءُ چم ھم ۔



*ءُ* اے اردو ءِ اور ، پارسی ءُ اربی ءِ و ءُ انگریزی ءِ and انت۔

درور ۔
بلوچی۔ من ءُ گل
اربی ۔ اَنا وَ گل
انگریزی۔ i and gull
اردو۔ میں اور گل
پارسی ۔ من و گل

پولکار :- گل بلؔوچ