ھما گال کہ چہ دو یا چہ دو ءَ ￴گیشیں گالانی ھوار کنگ ءَ ￴اڈ دیگ بہ بیت جُتگال ئِے￸ گْوش اَنت۔ انگریزی ءَ ￴ھمے وڑیں گالاں Compound Word گْوش اَنت انچوشکہ Football,  Nevertheless, Airport , Battlefield ءُ ￶Up-To-Date ءِ ￵وڑیں گال اَنت کہ دو گالانی ھوار کنگ ءَ ￴جوڑ بوتگ اَنت۔ انگریزی ءِ ￵دِگہ لھتیں دور ایش اَنت۔
Lipstick💄
Sunflower 🌻
Rainbow 🌈
Ice cream🍦
گِند ئے￷ اِے گال چہ دو لبزانی ھوار بیگ ءَ ￴اڈ دیگ بیتگ اَنت ءُ ھر گالے یک جتائیں چیزے ءِ ￵مانا دار ایت۔

بلوچی ءَ ￴ھمے وڑیں گالانی درور ایش اَنت انچوشکہ
دزنام Signature
دزرند Hand writing
دزدیم Ablution
رھشون Leader
دلگوش Attention
درآپی Dehydration
رھزن: راہ ءِ ￵ڈُنگ ءُ ￶دُز

دلگوش: اِے وڑیں گال جُتا نبشتہ نہ کنگی اَنت بلکیں یکجاہ ءُ ￶ھوار نبیسّگی اَنت انچوشکہ:- ھمراھداری، یکمُشت، ھمکوپگ، راجدوست، ￶وانگجاہ(اسکول) ءُ ￶پاگواجَہ
البت لھتیں گال ھست کہ آیانی ھوار کنگ ءَ ￴گال کوجا ءُ ￶بے تام بنت انچوشکہ:- زبان دوست، زمہ وار ءُ ￶بے آرام۔ گُڑا باید اِنت بلوچی ءَ اِے وڑیں گال جتا نبیسّگ بہ بنت۔ چہ ایشاں ابید مارا اِے ھم زانگ ءُ ￶سرپد بیگ لوٹ ایت انچوشکہ
مکن: منع Prohibition
مہ کن: مت کرو Don't Do

* اُستاد ءَ ￴مارا کُوکار کنگ ءِ ￵مکن کُت۔ اِے دگ ءَ ￴روگ ءِ ￵مکن اِنت۔
* تو کَسی کاراں مہ کن۔ شما ھچ دْروگیں گپاں دلگوش مہ کن اِت۔

گوں✅ گوما❌

بُندر ءَ اے لبز "گون" اِنت انچوشکہ(ا۔ک):- تئی موٹل ءِ کلیت من ءَ گون اَنت۔ 

البت سبکین ئِے "گوں" اِنت۔ اے ھم "چہ" ءِ وڑ ءَ چہ نامگال ءُ پنامگال ءَ پیسر نبیسّگ بیت ا۔ک:
1- ما گوں شما ھوار ایں۔
2- تو گوں من زھر ئے۔

نبشتہ رھبند ءِ ھساب ءَ اے وڑ ءَ نبیسّگ ئِے رَد اِنت انچوشکہ جھل ءَ ￴دو دروری گالرِد نبشتہ اَنت👇🏻
ما شُمئے گوما ھوار ایں۔❌ تو منی گوما زھر ئے۔❌

گِند ئے￷ "گوما" گالواری ءُ ￶بدلتواری لبزے کہ چہ دو گال(گوں ما) ءَ ￴جوڑ بوتگ بلے نبشتہ رھبند ءِ ￵رِد ءَ ￴اِے رَد اِنت۔ سیدگنج ءَ ￴ھم اِے گوما ءِ ￴لبز نیست بلکیں "گون ءُ ￶گوں" نبشتہ اَنت۔ 

بزان اِنت کہ لھتیں مردم زِد ءَ ￴گْوش اَنت کہ ”گوما” ھم یک لبزے ءُ ￶بلوچی نبشتہ رھبند ءِ ￵رِد ءَ ￴راست اِنت۔ اگاں اِے گوما لبزے گُڑا "من، شما، آئی۔۔۔  ءُ ￶تو"  ءِ ￵واست ءَ ￴چے نبیسّ ئے￷؟ اگاں "گوں ما ءِ ￵گوما" اِنت گُڑا پہ
گوں تو ءِ ￵گوتو؟
گوں شما ءِ ￵گوشما؟
گوں آئی ءَ، گوں آئی ءِ ￵۔۔۔؟ چے بنت؟

گِند ئے￷ اگاں ما دْراہ وتی گالواری ءُ ￶بدلتواری لبزاں نبشتہ کن ایں گُڑا بلوچی تباہ ءُ ￶پہ راجی زبان ءِ ￵دیمروی مئے جُھد زوال بیت۔ زاناں پہ شُمئے￷ سرپدی ءَ ما￴ وتی سراں ￴بہ پْروش ایں؟

دلگوش کرز ایت:
لھتیں وانِندہ ءُ ￶نبشتہ کار "پہ“ ءِ ￵گال ءَ ￴گوں نامگال ءَ ￴ھوار نبیسّ اَنت انچوشکہ:- پتو ءُ پمن۔ گالردی درور ئِے￸ ایش اَنت انچوشکہ:- من پتو ورگے کار آں، تو پمن ھچ جْواناھی نہ کُتگ۔

گِند ئے￷ اِے داب ءَ ￴نبیسگ ئِے￸ پھک رَد اِنت پرچا کہ "پہ" وت یک مانا داروکیں گالے پمیشکا گوں نامگال ءُ ￶پنامگالاں ھوار نبیسّگ نہ بیت۔ چوناھا دُنیا ءِ ￵ھر زبان ءَ ￴نامگال ءُ ￶پنامگال جُتا ءُ ￶گوں شملگ ءَ ￴نبیسگ بنت پمیشکا ھمے رَدیں گالرِد اِے وڑ ءَ ￴راست بنت انچوشکہ
* من پہ تو ورگے کار آں۔✅
* تو پہ من ھچ جْواناھی نہ کُتگ۔✅

اگاں ما اِے "پہ" ءِ گال ￵ ءَ "من ءُ ￶تو" ءِ ￵پُشت ءَ ￴ھوار نبیسّگ ءَ ￴ایں گُڑا باید اِنت "ما، شما، آئی ءُ دِگہ ￶نامانی"  ءِ ￵واست ءَ ￴ھم "پہ“ ھوار نبیسّگ بہ بیت؟ انچوشکہ
پما ￴ورگ بیار، پبانُک ءَ ￴گُدے بھا زُور ایں۔ زاناں تو پآئی ءَ ￴چے کُت؟ ءُ ￶پابدلستار ءَ ￴موٹلے تیار بہ کن ات۔ 
اِنا ھمے وڑ ءَ ￴نبیسگ اش رَد اِنت۔ اِے وڑ ءَ ￴گالرِد راست اَنت۔
* پہ ما ￴ورگ بیار، پہ بانُک ءَ ￴گُدے بھا زُور ایں۔ ✅
* زاناں تو پہ آئی ءَ ￴چے کُت؟ ءُ ￶پہ ابدلستار ءَ ￴موٹلے تیار بہ کن ات۔✅
ائین: وھدیکہ یک کارے چہ دِگہ کسے ءَ کنائینگ بہ بیت گُڑا اِے لبزانی بھرے ءِ ￵دْروشم ءَ ￴کارمرز بیت انچوشکہ

۱- من تئی کار ءَ کنائین آں۔
I shall get your job done.
۲- ما پہ آئی ءَ گُد ءِ جوڑی یے دوچائین ایں۔ 
۳- تو دُژمن ءَ پْروش دیائین ئے۔
۴- من پہ تو نوکیں لوگے بندائینت۔
۵- زاناں اِے بزگ کَے ءَ کُشائینتگ؟

زاناں ءُ ￶زان آں

زاناں: پہ جُست ءُ ھیرانی ءَ کارمرز بیت انچوشکہ
۱-  زاناں من ترا نہ زان آں؟(کیا میں آپ کو نہیں جانتا ہوں)
۲- زاناں مرچی ھور گْوار ایت یا اِنّا؟
۳- زاناں تو واب ات ئے؟(کیا آپ سوئے ￷ہوئے ￷تھے؟)

زان آں: اِے وت یک سرجمیں گالردے ءُ ￶انگریزی ءِ ￵رجانک ئِے ￸ایش اِنت👇🏻
I know you.

من زان آں، ما زان ایں، تو زان ئے ￷ءُ ￶شما زان اِت۔

بلوچی زمانگ📚📝
(BALOCHI TENSES)

ھست سرجمی زمانگ(Present Perfect Tenses): 
ھما کار کہ مرچیگیں روچ ءَ یا توری انیگیں وھد ءَ ھلاس بوتگ اَنت،  ھست سرجمی زمانگ گْوشگ بنت۔ ایشانی ھِندی ءِ پجّار "چکی ہے، چُکے ہیں ءُ چکا یے" اَنت انچوشکہ رھدربری گالرِد (Example Sentences) ئِے ایش اَنت👇

۱- من وَ دَرونت پھم اِتگ۔ (میں تو سبق سمجھ چُکا ہوں)
۲- تو وتی دست شُشتگ اَنت۔ 
۳- ورگ وارتگ اَنت ئِے۔ (وہ کھانے کھا چُکا ہے) 
۴- میش وَ گار کُتگ اَنت ئِے۔ (وہ بھیڑوں کو تو گُم کر چکا ہے)
۵- زاناں مرچی ھور ءَ نہ گْوار اتگ؟( کیا آج بارش نہیں برس چکا ہے؟)
۶- زھگ وپتگ ءُ دْرچک ئِے گُڈ اتگ۔
۷- زاناں تْرندیں گْوات ءَ کَش اتگ؟

دلگوش: بوتہ❌، گْوارتہ❌، شُتہ❌ ءُ کُتہ❌ یا بوت ءَ❌ گْوارت ءَ❌ ءُ شُت ءَ❌ بزانکہ اِے وڑ ءَ نبیسّگ ئِے رَد اِنت۔

گْوست سرجمی زمانگ: ھما کار کہ گْوستگیں وھدے ءَ سرجم بوتگ اِت اَنت۔ ایشانی ھِندی ءِ پجّار "چکی تھی، چُکے تھے ءُ چکا تھا" اَنت انچوشکہ رھدربری گالرِد ایش ئِے اَنت👇

۱- تو وَ شُتگ اَت ئے۔ (آپ تو جا چکے تھے)
۲- تو وتی دست شُشتگ ات اَنت۔
۳- ورگ ئِے وارتگ ات اَنت۔ میش وَ گار نہ کُتگ ات اَنت ئِے۔
۴- زاناں زی ھور ءَ گْوارتگ اَت؟
۵- زھگ وپتگ ات ءُ دْرچک ئِے گُڈ اتگ اَت۔

بلوچی زمانگ📚📝
(BALOCHI TENSES)

زیت گْوست: (Modal Verbs): ھما کاراں بوگی اَنت بلے نہ بوتگ اَنت ءُ  پہ نہ بیتگیں کاراں اے "ایں" گوں کار گال ءَ ھوار بے "ا“ ءَ نبیسّگ بیت انچوشکہ

۱- آئی ءَ تئی کار بِہ کُتیں، وشیں ھورے ءَ بہ گْوارتیں۔ 
۲- تْرُندیں گْوات ءَ مہ کَش اتیں۔
۳- دْریگتیں تو من ءَ ھال بداتیں۔
۴- تو مہ شُتین ئے، من گوں شما ھوار مہ بوتین آں۔
۵- ما گوں شما ھوار مہ بوتین ایں۔

بلوچی زمانگ📚📝
(BALOCHI TENSES)

گْوست سادگی زمانگ: ھما کار کہ گْوستگیں وھدے ءَ بوت اَنت انچوشکہ رھدربری گالرِد👇🏻

۱- بانُک ھانی ءَ تئی کار کُت، زاناں کاسم وانگجاہ ءَ شُت؟
۲- تو چے مار اِت؟(آپ نے کیا محسوس کیا؟)
۳- من ءَ گْوشت ئِے(اُس نے مُجھے بولا)
۴- پَس گار کُت ئِے، آپ ئِے وارت ءُ شُت۔
۵-  زاناں واجہ پازُل ءَ نمدی ونت؟(کیا جناب پازُل نے خط پڑھی؟)
۶- من نہ چار اِت، تو نہ کَند اِت ءُ دْرچک گُڈ اِت اش۔

بلوچی زمانگ📚📝
(BALOCHI TENSES)

آیوکی زمانگ: ھما کار کہ نوکی بنت انچوشکہ رھدربری گالرِد👇🏻

۱- من رو آں، ما رو ایں، تو رو ئے ءُ شُما رو اِت۔
۲- دُز تچ اَنت، باندا بالاچ اد ءَ کیت، وھید اود ءَ نئیت ءُ کاسم مئیت۔
۳- کاسم تچ ایت، زاناں اَلی وانگجاہ ءَ نہ روت ءُ نہ وان ایت؟
۴- باندا ھور نہ گْوار ایت ءُ گْوات ھم نہ کَش ایت۔
۵- کار ایت ئِے، نیار ایت ئِے۔ گِند ایت اش۔
۶- زاناں مرچی تئی مھمان کا اَنت؟ 

دلگوش: 
روت، کیت ءُ نئیت: اِے  بُنکارگال اَنت۔
بئیت ءُ مئیت: اِے وڑیں لبز پرمانگال اَنت۔

بلوچی زمانگ📚📝
(BALOCHI TENSES)

ھست برجمی زمانگ: ھما کار کہ انیگیں وھد ءَ برجم(جاری) اَنت انچوشکہ رھدربری گالرِد(طریقہ کار جُملے)👇🏻

۱- من گْوادر ءَ روگ ءَ آں۔
۲- ما نوکیں تامُرے چارگ ءَ ایں۔(ہم ایک نئی فلم دیکھ رہے ہیں)
۳- زاناں تو وپسگ ءَ ئے؟ (کیا آپ سو رہے ہو؟)
۴- زاناں شُما سبی ءَ نہ روگ ءَ اِت؟
۴- بالاچ شریں کتابے وانگ ءَ اِنت۔
۵- ھانی ءُ پازُل زُبان دوستی نبشتانکے وانگ ءَ اَنت۔ 
۶- کاسم ءُ شھیک تچگ ءَ اَنت۔
۷- ھور گْوارگ ءَ اِنت ءُ واجہ موسا ھان دْرچکے گُڈگ ءَ اِنت۔  

دلگوش: روگا آں❌ وپسگائے❌ ءُ وانگا اَنت❌ بزانکہ "ءَ"  ءِ جاہ ءَ "ا“ کارمرز کنگ ءُ گوں کارگال ءَ ھوار نبیسّگ ئِے رَد اِنت۔

گْوست برجمی زمانگ: ھما کار کہ گْوستگیں وھدے ءَ برجم ات اَنت۔ انچوشکہ رھدربری گالرِد👇🏻

۱- ما کَسانیں نبشتانکے نبیسّگ ءَ ات ایں۔
۲- من بلوچی دَرونتاں وانگ ءَ ات آں۔
۳- تو وپسگ ءَ ات ئے ءُ شُما سبی ءَ روگ ءَ ات ات۔ ءُ شُما چی ءَ تچگ ءَ ات ات؟
۴- آ سے ئیں دُز تچگ ءَ ات اَنت۔
۵- ھور وَ گْوارگ ءَ ات۔(بارش تو برس رہا تھا)
۶- واجہ موسا ھان دْرچکے گُڈگ ءَ اَت۔ 

بلوچی زمانگ📚📝
ایوکی سادگ زمانگ(Future Simple Tenses) ءُ ھست مُدامی زمانگ (Present Indefinite Tenses):  

بلوچی ءَ آیوکی سادگ ءُ ھست مُدامی زمانگ یکیں وڑ ءَ نبیسّگ بنت۔ البت ھالات ءُ گالرِد ءِ داب وانوک ءَ وت سرپدی دنت۔ انچوشکہ دوئیں زمانگانی دروری گالرِد ایش اَنت👇🏻

۱- من بلوچی دَرونتاں وان آں۔(میں بلوچی سبقوں کو پڑھتا ہوں یا میں بلوچی سبقیں پڑھوں گا)
۳- واجہ بالاچ بلوچی نبشتانکاں وان ایت۔(جناب بالاچ بلوچی تحریروں کو پڑھتا ہے یا جناب بالاچ بلوچی تحریریں پڑھے گا۔)
۳- کاسم ھر روچ مئے کِر ءَ کیت۔
۴- کاسم باندا مئے کِر ءَ کیت۔
۵- شریں نودربر وانگ ءُ دربرگ  ءِ جُھد کن اَنت۔(اچھے طالب علم پڑھنے اور سیکھنے کی کوشش کرتے ہیں)
۶- اِے سےئیں سنگت باندا وتی کار ءَ سرجم کن اَنت۔

بزانکہ "کن اَنت" ءِ رجانک "کرتے ہیں“ ءُ " کرینگے" ھم بیت۔

ابدلستار بُگٹی ءُ ایم شکاری بلوچ
کارمستر : راجی زُبان ءِ دربرجاہ

دلگوش: ما لوٹ ایں کہ بلوچ راج ءِ وانِندہ بلوچی زبان ءَ ھم دُنیا ءِ دِگہ زبانانی وڑ ءَ گوں درونتاں وان اَنت ءُ نبیس اَنت۔ بزانکہ مارا بلوچی ءَ یک لبزانکی دْروشمے دیگی اِنت پمیشکا ما گوں شما دزبندی کن ایں کہ اشتاپ مہ بَہ اِت۔ مُدام نبیسگ ءِ وھد ءَ نبشتہ ءِ چیدگ، گالرِد ءُ بھرگاں شر سنج بہ کن اِت۔ وتی نبشتہ کُتگیں گال ءُ گالرداں یکبرے وت ھم بہ وان اِت ءُ وتی رَدیاں راست کنان ءَ بلوچی راست نبیسگ ءَ ھیل بہ کن اِت۔ گُڈسری ما گوں شما دزبندی کن ایں کہ بلوچی وانگ ءُ دربرگ ءِ جُھد ءَ پْروش مہ ور اِت کہ بلوچی گِران اِنت۔ باید اِنت بلوچ راج ءِ وانِندہ بلوچی دَرونت ءُ زبان دوستی نبشتانکاں وانان ءَ بلوچی راست نبیسی ءَ ھیل بہ کن اَنت ءُ راج ءَ ھم بلوچی وانگ ءُ دربرگ ءِ سر ءُ سوج بہ کن اَنت۔ اِے بلوچی دربرگی نکان ءَ دیم ءَ ھم روان(Share) بہ کن اِت کہ ھر بلوچے ءَ وتی راجی زبان ءِ وانگ ءُ زانگ ءِ موہ بہ رس ایت۔ بلوچی وت بہ وان اِت ءُ راج ءَ ھم بہ وانین اِت۔ پہ راجی زبان ءِ دیمروی ءَ ما شُمئے ھمکاری ءُ ھمکوپگی لوٹ ایں۔