مبارک قاضی 1956 ءَ بلوچستان ءِ شھر پسنی ءَ ودی بوتگ ءُ بلوچی لبزانک ءِ نامداریں شاعراں چہ یکے بوتگ۔ آ کاہودا امان اللہ ءِ چُک ات۔ قاضی ءَ 10 ءَ چہ گیش شاعری ءِ کتابانی جمّہ داری جوڑ کتگ ءُ بلوچی ءِ سرا وتی انمٹیں نشانے ایر کتگ۔ آئی ءِ اولی چاپ بوتگیں دپتر ءَ آئی ءِ بے دروریں توار ءِ دیم ءَ آرگ بوت ءُُ آئی ءِ گڈی کار ءَ آئی ءِ وتی زمانگ ءِ احترام مندیں بلوچی شاعر ءِ بستار ءَ آئی ءِ میراث ءَ را سیمنٹ کت۔
قاضی ءِ شاعری ءَ چاگردی بندشاں چہ دیم ءَ شتگ ءُ آئی ءَ را درستیں مردمانی شاعر ءِ بستار ءَ نام ءُ شان زرتگ۔ آئی ءَ وت یک رندے ٹپاس کتگ ات کہ ” من ہر طبقہ ءِ شاعر آں “۔ آئی ءِ ڈکشن اگاں باز براں سادہ بوتگ بلے بے دروریں زیبائی یے بوتگ ءُُ نوکیں لبزانکی ٹکّر ءِ زرّ ءُُ مال ءِ سرا قبضہ کتگ ءُُ ہمے وھد ءَ لس مھلوک ءِ دیم ءَ رسگ ءِ وسیلہ بوتگ۔ آئی ءِ شاعری ءَ مہر، جہد، ءُ مزاحمت ءِ بنگپاں ٹچ کتگ ات ءُ بلوچ راج ءِ تہا گوں دلجمی ءَ گونج اتگ ات۔
آئی ءِ انقلابی شاعری کہ باز براں جاوراں چیلنج کتگ ات، 2007 ءَ آئی ءِ دزگیر کنگ ءِ سوب بوتگ ات۔آئی ءَ وتی بنیاد پرست ءُُ سرکشیں اظہار ءِ سبب ءَ ہشت ماہ تربت جیل ءَ گوازینتگ ات۔ ایشی ءَ ابید ھم قاضی وتی کار ءِ ذریعہ ءَ بلوچ ءِ پجار ءُ دود ءُ ربیدگ ءِ پھازگ ءِ حاترا سدک بوتگ۔
2014 ءَ مبارک قاضی ءَ را یک زاتی سانحہ یے ءِ دیمپان بوتگ کہ آئی ءِ چُک کمبر مبارک کہ گوں یک بنیاد پرستیں جدائی طلبیں گلے ءَ ہمگرنچ بوتگ ات شہید بوتگ ات۔ اے تاوان ءَ قاضی سک باز تاثیر دات، پدا ہم آئی ءِ وتی راج ءُُ وتی فن ءِ سرا عہد ءُُ پیمان ہچبر ہلاس نہ بوت۔
مبارک قاضی 16 ستمبر 2023 ءَ چہ دنیا ءَ شتگ بلے آئی ءِ شاعری نسلانی دلبڈی ءَ برجاہ اِنت۔ آئی ءَ را بلوچی شاعری ءَ را وتی سرا زرتگیں شاعر ءِ بستار ءَ زانگ بیت کہ آئی ءِ کارانی سرا بلوچ راج ءِ تابکاری ءُ زیبائی ءِ گواہی ءِ بستار ءَ کار کنت۔ بلوچی لبزانک ءُ دودمان ءِ سرا آئی ءِ اثر ءُ رسوخ بے درور اِنت ءُ آئی ءِ بیرانی ءَ چہ بازیں وھدے ءَ پد آئی ءِ توار وتی راج ءِ دلاں گونج اِیت۔