شپ ماں چمّاں بورینتگ دور اِنت شَہر کرارانی

مہری گوں من آگاہ اَنت بُتک اَنت پُل مہارانی

تو کہ میم ءِ ہمراہ ئے شئیر ءِ ملنگاں چے لوٹ ئے

مُندریکے ءَ بوت نہ کنت پیروزہ گُپتارانی

کوْہنیں رنگ ءُ داباں بلوچ قرن ءِ پُتینکاں پش کپتگ

چمّ ئے انگت زیمی دجنت ءُ بکش ئے پناہ اَنت مارانی

تیر پہ مُرگاں ایر کُتنت ءُ زہم پہ سواداں بیگاہ ئے

ناگاہ گپتگ داواہاں راجے سئیل ءُ شِکارانی

زندگ باں داں اوست بلیت ءُ دردءِ سپر انکین مہ کنت

بیا کہ چراگاں مان کتگ من حون شپ ءِ استارانی