چے زانت کسے درد ءَ اِے زید ءِ چنالانی

شانتل پد ءَ باھوٹ اَنت بے ساھگیں ٹالانی

دلجم وَ نکنت کسّ ءَ امیت آ باندات ءِ

ھو مرچی بہ بیت پردگ پُلیں سر ء مالانی

تئی دْروشم ءِ دیدار ءَ ھر چیز کتگ پدّر

ھر تھر جوابانی ھر رنگ سوالانی

آ مھگل ءِ اھوالاں کارے او کپوت سبزیں

آزمان ءِ اے نیلیں زِر کولیگ تئی بالانی

ھر تاک ءُ ھمک کُول ءَ مئے زند کتگ پدّر

اے زید ءِ نھالانی اے دشت ءِ شمالانی

پرچا تو منؔیر باگ ءِ پُلّانی گِرئے نام ءَ

زانے کہ نہ انت دلبر مھتاج مِسالانی