وابینگیں گَمانی دُرْھیں ٹَپّ نوک بنت

بیگاہ ءِ گْوات کشّیت ءُ مھپر گنوک بنت

مرچیگیں روچ رپتگ تئی دْراہی سلامت اِنت

راہ ءِ چراگ وپس اَنت گُڑا چمّ روک بنت

ھالے کئیت ھتم وتی پوشاکاں مَٹّ کنت

بْرمشے رُدئیت ءَ کْوھنگیں بازار نوک بنت

کئے دیم دنت شپءَ پمن شیئرانی گْواچی ءَ

اِستالاں پُشت باریں کئی درد روک بنت

دلمانگ اَنت تاس ءُ دیکیم اَنت چَمّ ءُ دل

جمبر بہ گْریت تہ کدّہ ءُ مردم گنوک بنت