چتو اے شھد ءُ شیرکنی دپ ءَ منیگ ءَ زھر بوت
زمانگے چہ کازی ءَ اناگت ءَ زبھر بوت

ھو پَسّنی ترا اَبید نِدارگۓ ءِ ھورکی اِنت
تی ھال اِشکُت میتگ ءَ مُلور تی اے شھر بوت

آ مھروانیں میتگ ءَ کہ مھر ءِ گپ جت مدام
آ پیژگاہ گوں بداں بچار چتور بھر بوت

گلامیں جاوراں بدیں مبارکے چہ من پُل اِت
پہ من گُشے گاں تو بچار ھُدا ءِ جند ءِ کھر بوت

زھیر کنت ساوڑ ءَ پہ کازی ءِ نیادے ءَ
ترا چے پَد گمیگ مے وپا ءُ مھر ءِ دَھر بوت