English
Baluchi
کَسانیں بُنرھبندی سرپدی یے
* من شُمئے دیم داتگیں ٹیکی چار اتگ آں۔
گِند ئے اِے گالرِد بُنرھبند ءِ رِد(ھساب) ءَ رَد اِنت۔ انی شما ھیران بَہ اِت کہ پرچا رَد اِنت؟، وھدیکہ گالرِد ءِ گُڈسر ءَ "من" ءِ کُمکارگال "آں" ھم نبشتہ اِنت۔
بلوچی بُنرھبند ءِ رِد ءَ ایشی ءِ راستیں گالرد اِے وڑ ءَ نبیسگ بیت انچوشکہ👇🏻
* من شُمئے دیم داتگیں ٹیکی چار اتگ اَنت۔
پرچا کہ ٹَوک ٹیکی ءِ بیگ ءَ اِنت ءُ ٹیکی ھم باز اَنت۔ ھمے داب ءَ دِگہ جھلی گالرِداں دلگوش بہ کن اِت کہ شریں وڑے ءَ سرپدی بہ رس ایت۔👇🏻
من شُمئے دیم داتگیں ٹیکی چار اتگ اَنت۔ ما شُمئے دیم داتگیں ٹیکی چار اتگ اَنت۔ تو منی دیم داتگیں ٹیکی چار اتگ اَنت۔ شُما منی دیم داتگیں ٹیکی چار اتگ اَنت۔ بانُک ھانی ءَ منی دیم داتگیں ٹیکی چار اتگ اَنت۔ بانُک ھانی ءُ واجہ الی ءَ منی دیم داتگیں ٹیکی چار اتگ اَنت۔
بزانکہ اے وڑیں گْوست زمانگ ءِ گالرِد ھمے ڈول ءَ نبیسگ بنت۔
ابدلستار بُگٹی
کارمستر: راجی زُبان ءِ جُنز
مرچیگیں انٹرنیٹ ءِ دَور ءَ بلوچی وت بِہ وان اِت ءُ راج ءَ ھم بِہ وانین اِت پرچا کہ بلوچی گوں وانینگ ءَ دیمروی کنت۔ پہ راجی زبان ءِ دیمروی ءَ ما شُمئے ھمکوپگی ءُ ھمراھداری لوٹ ایں۔
