دَرونت(سبق): اِت ءُ ات اِت

دَرونت(سبق): اِت ءُ ات اِت

اِت: پہ "شُما" ءَ کارمرز بیت۔انچوشکہ رھدربری گالرِد(طریقہ کار جُملے)👇
۱- شُما رو اِت، شُما نِند اِت۔
۲- شما زبان دوستیں بلوچ اِت ءُ شُما نوکیں دَرونتے وانگ ءَ ات۔

پہ گْوست برجم ءَ دو "ات ات" نبیسّگ بیت۔ رھدربری گالرِد👇
۱- شُما تچگ ءَ اَت ات۔
۲- شُما بانُک شاری ءِ لوگ ءَ روگ ءَ اَت ات۔ 

اِت: اے "ایت" ءِ گْوست ھم ھست انچوشکہ گّوست سادگی زمانگ ءِ گالرِداں دلگْوش کن ایں۔

سُرگ: سُر ایت(Will move) ءُ سُر اِت(moved)
تچگ: تچ ایت ءُ تچ اِت۔

* چار اِت، من مار اِت(I felt) ءُ دْرچک ئِے گُڈ اِت۔

ھست سرجم ءَ ھمے گالرِد اِے داب ءَ نبیسگ بنت انچوشکہ👇
سُرگ: سُر ایت، سُر اِت ءُ سُر اتگ۔
تچگ: تچ ایت، تچ اِت ءُ تچ اِتگ۔

* شما چار اِتگ،  من مار اِتگ(I have felt) ءُ دْرچک ئِے گُڈ اِتگ۔

کُمکّارگال:
* تو کَے ئے؟ تو بلوچے ئے۔ شُما وان اِت۔
* من بلوچی دَرونتاں وان آں۔ ما راجدوستیں مردم ایں۔
* بالاچ وان ایت۔ شلی روگ ءَ اِنت۔ ماھگُل ءُ ھانی روگ ءَ اَنت۔
* آپ ئِے وارت ءُ شُت۔ دَرونت ئِے یات کُت۔
* من روگ ءَ ات آں، ما وانگ ءَ ات ایں۔ شما تچگ ءَ اِت ات۔ زاناں دُز تچگ ءَ ات اَنت؟
* گْوات کَش ایت گُڑا ھور ھم گْوار ایت۔
* ماھناز کیت، پوزیا نئیت، ماھگُل بئیت ءُ ھانی مئیت۔

ھ ءُ ہ: چوناھا اے دوئیں آب یک اَنت۔ اربی، پارسی ءُ بلوچی ءَ "ھ" گالانی بُنگیج ءُ نیام ءَ کارمرز بیت انچوشکہ (ا۔ک):- ھکل، مھر ءُ ھمراہ بلے "ہ" گالانی گُڈسر ءَ کارمرز بیت ا۔ک :- واجہ، ھبکّہ، گُناہ، جاہ ءُ پوہ ءِ وڑیں گال اَنت۔ 

البت پہ تْرُندیں توارینک ءَ "ھ" گالانی گُڈسر ءَ ھم کارمرز بیت ا۔ک:- ڈیھ، دیھ ءُ گھ۔